Çinin Uhan şəhərindən yayılmağa başlayan yeni növ koronavirus səbəbindən ölənlərin sayı 107 nəfərə, virusa yoluxanların sayı isə 4515 nəfərə yüksəlib.
“Qafqazinfo”nun məlumatına görə, virusun yarasadan və ya ilandan yoluxma ehtimalı üzərində dayanan mütəxəssislər xəstəliyin sürətlə yayılması səbəbindən insanları ehtiyatlı olmağa çağırıb. Hətta Uhan şəhərinə giriş-çıxış tamamilə dayandırılaraq karantin elan olunub, bir çox ölkələr isə Çinə uçuşları qadağan edib. Virusun yayılmağa başladığı Uhanda küçələr kimsəsiz, xəstəxanalar dolu, marketlər isə boş qalıb. Yaranan mənzərə qorxulu filmlərdəki vahiməli səhnələri xatırladır.
