Demokratiya və İqtisadi İnkişaf Uğrunda Təşkilat - GUAM Ukraynakı vəziyyətlə bağlı açıqlama yayıb. Bu barədə təşkilatın sosial şəbəkədəki səhifəsində paylaşım edilib.

“Biz Ukraynanın ərazi bütövlüyünü və suverenliyini dəstəkləmək məsələsində möhkəm və vahid mövqedəyik. Biz Ukrayna xalqına milli konsolidasiya, birlik və sülh arzulayırıq”, - paylaşımda qeyd olunub.

Xatırladaq ki, GUAM - Demokratiya və İqtisadi İnkişaf naminə Təşkilat 1997-ci ildə yaradılıb. Hazırda təşkilata Gürcüstan, Ukrayna, Azərbaycan və Moldova daxildir. 1999-cu ildən 2005-ci ilədək Özbəkistan da təşkilatın üzvü olub. Təşkilatın adı üzv ölkələrin adlarının ingilis dilindəki baş hərflərindən əmələ gəlib.

ABŞ dövlət katibi Entoni Blinken Rusiyanın Ukraynaya hücum planlarından daşındığı haqda qənaəti “erkən” adlandırıb. O bəyan edib ki, hücum istənilən vaxt başlaya bilər.

Dövlət Departamentinin saytında dərc edilmiş stenoqrama əsasən Entoni Blinken keçirdiyi brifinqdə bildirib ki, Rusiya prezidenti Vladimir Putin hücuma çox yaxşı hazırlaşıb və Ukraynaya qarşı yeni təcavüzdən onu “cəmi bir addım ayırır”. Blinkenin sözlərinə görə, 130 minlik Rusiya ordusu Ukrayna sərhədləri yaxınlığında qalır və müdaxilə riski olduqca yüksəkdir. Ona görə də hücumun fevralın 16-da başlamaması Putinin planlarından ümumiyyətlə daşınması demək deyil.

“Əgər biz Ukrayna ətrafındakı rayonlarda baş verənlərə nəzər salsaq bu həftə təcavüz aktının başlaması tamamilə mümkündür”, - o deyib.

Rusiya prezidenti Vladimir Putin isə ötən gün Almaniya kansleri Olaf Şolsla Kremldə keçirdiyi görüşündən sonra bəyan edib ki, Ukraynanın heç vaxt NATO-ya üzv olmayacağına dair təminat “dərhal verilməlidir”. Putinin sözlərinə görə, bu təminat Rusiyaya yazılı şəkildə verilməlidir.

“Deyirlər ki, Ukrayna yaxın illərdə NATO-da olmayacaq...Deyirlər ki, bu sabah baş verməyəcək. Bəs nə vaxt baş verəcək? O biri gün? Bəs bu bizim üçün tarixi perspektivdə nəyi dəyişir? Heç nəyi. Ukraynanı NATO-ya üzvlük üçün “hazırlaya” bilərlər. Ona görə də biz bu məsələni dərhal, elə indi həll etmək istəyirik”, - Putin daha əvvəl Qərbə irəli sürdüyü ultimatumu yeniləyib.

 Xatırladaq ki, ABŞ və bəzi digər Qərb ölkələri Rusiyanın bu gün fevralın 16-da hücum edəcəyi haqda xəbərdarlıq yaymışdılar. Britaniyanın “The Sun” qəzeti isə hətta hücumun saatını da göstərmişdi - 03:00. Lakin hücum həmin saatda başlamayanda qəzet tarixi dəyişib, hücumun “istənilən vaxt” başlaya biləcəyini göstərib. Nəşr bu məlumatı ABŞ kəşfiyyatına istinad edərək yayıb.

virtualaz.org

Azərbaycanda bir neçə bələdiyyənin vəzifəli şəxsləri barəsində cinayət işi başlanılıb. Bu barədə məsələ Bələdiyyələrin fəaliyyətinə inzibati nəzarəti həyata keçirən orqanın illik məruzəsində əksini tapıb.

“Qısa müddət ərzində Araik Arutyunyanın tutularaq istintaqa təqdim edilməsi və məhkəməyə çıxarılması təmin ediləcək”.

Bu gün akademik, əməkdar elm xadimi, Milli Aviasiya Akademiyasının rektoru Arif Paşayevin doğum günüdür.

Arif Paşayev 15 fevral 1934-cü ildə Bakıda ziyalı ailəsində doğulub.

Elmi axtarışlarını uğurla davam etdirən alim 1978-ci ildə doktorluq dissertasiyasını müvəffəqiyyətlə müdafiə edərək fizika-riyaziyyat elmləri doktoru alimlik dərəcəsinə layiq görülüb.

Akademik 40 ildən artıq bir dövrdə zədəsiz nəzarət yarımkeçiricilər fizikasının və ölçmə istiqamətlərinin elmi əsaslarının inkişafı, yeni istiqamətlərin yaradılması və onların tətbiqi ilə məşğul olub.

Arif Paşayev 300-ə yaxın elmi əsərin, 15-dən artıq kitabın və monoqrafiyanın müəllifidir. Alim 30-dan çox ixtiraya görə müəlliflik şəhadətnaməsi alıb, medallar və diplomlarla təltif olunub. Bundan əlavə, Arif Paşayev Azərbaycan Respublikasının Dövlət mükafatına, fizika sahəsindəki yüksək nailiyyətlərinə görə “SSRİ-nin ixtiraçısı” medalına, akademik Y.Məmmədəliyev adına medala və İngiltərə Beynəlxalq Bioqrafiya Mərkəzinin qızıl medalına layiq görülüb. “VEKTOR” - Beynəlxalq Elm Mərkəzi Mükafat Komissiyasının qərarı ilə “Azərbaycanın tanınmış alimləri” beynəlxalq layihəsinin qalibi olub və “XXI əsrin tanınmış alimi” beynəlxalq diplomu ilə təltif edilib.

Azərbaycanda elmin, təhsilin inkişafında böyük xidmətləri olan akademik Arif Paşayev 2004-cü ildə “Şöhrət” ordeninə layiq görülüb.

O, Azərbaycan Respublikası Ali Attestasiya Komissiyasının Ekspert Şurasının, Tbilisi Texniki Universitetində Ərazi Şurasının üzvü, AMEA-da cihazqayırma üzrə Elmi Şuranın sədri, Azərbaycan Milli Aerokosmik Agentliyi və Milli Aviasiya Akademiyası nəzdində Birləşmiş İxtisaslaşdırılmış Şuranın həmsədri, Dövlətlərarası Aviasiya Komitəsi nəzdində Aviasiya mütəxəssislərinin hazırlanması üzrə əlaqələndirmə Şurasının üzvüdür.

Arif Paşayev 1971-ci ildən 1996-cı ilədək AMEA-nın Fizika İnstitutunun “Zədəsiz ölçmə və nəzarətin fiziki üsulları” laboratoriyasına rəhbərlik edib. Bu müddət ərzində o, böyük elm təşkilatçısı olduğunu dəfələrlə sübuta yetirib, Fizika İnstitutunun elmi istiqamətlərinin müəyyənləşdirilməsində fəal iştirak edib.

Əməkdar elm xadimi 1996-cı ildən Milli Aviasiya Akademiyasının rektorudur.

Bizimaz.az görkəmli alim, akademik Arif Paşayevi doğum günü münasibətilə təbrik edir!

Azərbaycanda məşhur apteklər şəbəkəsi olan “Zeytun Pharmaceuticals” Məhdud Məsuliyyətli Cəmiyyət (MMC) barədə bu ilin fevral ayı ərzində 7 məhkəmə iddiası qaldırılıb.

Bizimaz.az xəbər verir ki, şirkət sanitariya-gigiyena və epidemioloji qanunvericiliyi və gömrük qaydalarını pozmaqda, eləcə də, ictimai qayda, ictimai təhlükəsizlik və ictimai mənəviyyat əleyhinə olan inzibati xətalar törətməkdə təqsirli bilinir.

Gömrük qaydaları əleyhinə olan inzibati xəta haqqında iki protokol tərtib edilib. Protokollardan biri Bakı Şəhəri Nizami rayon məhkəməsində hakim Rauf Əhmədovun, digərinə Nəriman Mehdiyev icraatına verilib. Şirkət İnzibati Xətalar Məcəlləsinin (İXT) 485.2-ci (Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsi) maddəsi ilə cərimələnib.

Əhalinin sanitariya-gigiyena və sanitariya-epidemioloji salamatlığı qaydaları əleyhinə olan inzibati xəta barəsində protokol Binəqədi Rayon Məhkəməsi    nə göndərilib.  Apteklər şəbəkəsi İXT-nin 221.1-ci (bilə-bilə keyfiyyətsiz, normativ-texniki sənədlərin tələblərinə cavab verməyən, mənşəyi məlum olmayan, yararlılıq müddəti bitmiş, “Dərman vasitələri haqqında” Azərbaycan Respublikasının Qanununa uyğun olaraq dövlət qeydiyyatı tələb olunan, lakin dövlət qeydiyyatından keçməmiş dərman vasitələrinin satışı, satış) maddəsi ilə cərimələnib.

Yanğın təhlükəsizliyi qaydalarının pozulması və ya yerinə yetirilməməsi barəsində protokol Sumqayıt Şəhər Məhkəməsinə göndərilib.  “Zeytun Pharmaceuticals” İXM-nin 518.1-ci (mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsi) maddəsi ilə cərimələnib.

Epidemiya əleyhinə rejimin, sanitariya-gigiyena və karantin rejimlərinin pozulması barədə 3 protokol tərtib olunub.

Şirkət İXM-nin 211.2-ci (epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulması) maddəsinə əsasən iki dəfə cərimə edilib.

Həmin protokollardan biri Nəsimi Rayon Məhkəməsində hakim Elməddin Hüseynovun, digəri Səbail Rayon Məhkəməsində hakim Azər Tağıyev icraatına verilib.

“Zeytun Pharmaceuticals” barəsində daha bir şikayətə Qaradağ Rayon Məhkəməsində hakim Rufan Mürsəlovun icraatında baxılacaq.

Şirkət İXM-nin  211.3-ci (İXM-nin 211.2-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında) maddəsinə ilə cərimə edilir.   

“Zeytun Pharmaceuticals” MMC-i 4750 manatdan 4900 manatadək cərimə cəzası gözləyir.

“Zeytun” apteklər "Zeytun Pharmaceuticals" MMC-yə məxsusdur. Şirkətin qanuni təmsilçi iş adamı Bəhruz Şirəliyevdir. O, eyni zamanda, "Nurgun Holding"də yüksək vəzifə tutur və vaxtilə "Rəvan" futbol klubunun vitse-prezidenti olub.

Ramid İbrahimov 

“Rusiyanın təhlükəsizlik zəmanətləri ilə bağlı ABŞ və NATO-ya cavabı son mərhələdədir”.

Ukrayna Prezidenti Vladimir Zelenski xaricə gedən Ali Rada deputatlarına 24 saat ərzində ölkəyə qayıtmaları üçün çağırış edib.

“Bizimaz.az” “RİA Novosti”yə istinadən xəbər verir ki, Zelenski bu barədə Almaniya kansleri Olaf Şoltsla görüşün yekunlarına dair brifinqdə deyib: 

“Məncə ki, onlar qayıtmalıdırlar, əks halda biz hamımız dövlət, rəhbərlik olaraq ciddi nəticələr çıxarmalıyıq”.

Eyni zamanda o, hansı partiyadan olan deputatların ölkəni tərk etdiyini açıqlamayıb. Zelenski qeyd edib ki, hakimiyyət, o cümlədən parlament öz nümunəsi ilə xalqa birlik siqnalı verməlidir.

Zelenski etiraf edib ki, o, iş adamlarına heç bir şəkildə təsir edə bilməz, lakin onun fikrincə, onlar da ölkəni tərk etməməli idilər.

"Oliqarxlarla da böyük problem var - burada dövlət biznesə təsir göstərə bilməz və etməyəcək. Düşünürəm ki, onlar artıq öz cəzalarını özləri üçün veriblər, amma hesab edirəm ki, onlar öz müəssisələrinə, onlar və dövlət üçün işləyən on minlərlə insanın yanına qayıtmalıdırlar. Onlar bu yolu seçiblər, adi insanlar, IT mütəxəssisləri deyillər, söhbət ciddi sənaye biznesindən olan adamlardan gedir, hamısı özəlləşdirmənin iştirakçısı olub, dövlət də onlara nəsə verib. Düşünürəm ki, bu, onlara böyük şans verdi”, - deyə, o bildirib.

“Ukrayna həqiqəti” nəşri ukraynalı oliqarxlar və iş adamlarının Ukraynanı çarter reysləri ilə tərk etdiyini, cəmi bir gündə Kiyevdən 20-yə yaxın çarter və şəxsi təyyarənin uçduğunu yazıb.

Həmçinin, bir müddət əvvəl “Xalqın qulluqçusu” partiyasından olan deputatlara ölkədən çıxmamaq tövsiyə olunub.