Xalqın gözü tərəzidir
“ATV” kanalında gedən “Maşın Şou” verlişinə baxırsınızmı?
Bu sualla müraciyət etdiyimiz vətəndaşların demək olar ki, əksəriyyəti hə-cavabı verdi və cox maraqlı açıqlamaları ilə bizi bir az da təəccübləndirdilər.
“ATV” kanalında gedən “Maşın Şou ilə bizi bir az da təəccübləndirdilər. Tanınmış şomen Murad Dadaşovun təşkilatçılığı və aparıcılığı ilə ərsəyə gələn bu veriliş başladığı gündən, ta final gecəsinə kimi o qədər maraqlı, gərgin və dramatik keçir ki, bəzən nəinki iştirakçılar, hətta tamaşaçılar belə emosiyalarını gizlədə bilmirlər.
Əslində “Maşın Şou” bir oyundur. Murad Dadaşov cəmiyyətdə kifayət qədər tanınmış sənət adamlarını bir maşın ətrafına toplayır və onlar təxminən bir aya yaxın çoxsaylı tamaşaçıların gözü qarşısında finala qədər dəridən-qabıqdan çıxır.
Əlbətdə, bu şou bir oyundur. İştirakçılar çalışırlar ki, qalib olsunlar,” Nurgun Motor”sun təklif etdiyi bu yaraşıqlı və gözəl maşına sahib çıxsınlar.
Məqsədlərinə çatmaq üçün oyunçular bəzən etik normalara uyğun olmayan üsullara əl atırlar, ayrı-ayrı qruplaşmalarda birləşirlər, güclü rəqiblərini çıxarmaq üçün müxtəlif yollara əl atırlar.
Hadisələrin gedişatı, ötən “Maşın Şou”da baş verənlər onu göstərir ki, həyat təcrübəsi çox olan, psixoloji cəhətdən hazırlıqlı olan, bir az da dəqiq desək, biclik, hiyləgərlik tərəfləri güclü olan oyunçu finala qalır.
Finalda isə yuxarıda sadaladıqlarımızın heç biri kara gəlmir. Kim güclüdürsə, dözümlüdürsə o da qalib olur.
Yuxarıda qeyd etdik ki, bu bir realiti şoudur və hər bir iştirakçı öz oyununu oynayır, amma uzun zaman ərzində “Maşın Şou” iştirakçılarının hər bir hərəkətini izləyən, onların şəxsi həyatları barədə müfəssəl məlumatı olan tamaşaçılar da var ki, onlar heç də hər bir “Maşın Şou” iştirakçısı haqqında birmənalı düşünmürlər.
Məsələn, maşın realiti şousunda elə iştirakçılar var ki, onun oyunu, apardığı mübarizə onu tanıyanlar tərəfindən ikrahla qarşılanır.
Cəmiyyətdə tutduğu mövqeydən istifadə edərək başqalarının həyatına müdaxilə edən, ev yıxan, ev dağıdan birisi maşın şouda özünü elə göstərir ki, sanki mələkdir.
Bax, həmin “Maşın Şou” iştirakçıları arasında elələri var ki, mənsəb, maddiyyat xatirinə ağılagəlməz hərəkətlər edir, cavan, yenicə ailə həyatı qurmuşları öz məkrli torlarına salıb, onların ailələrinin dağıdılmasına bais olurlar. Onların apardıqları mübarizə isə əslində real həyatı əks etdirir.
Nəysə, kecək dünən “Maşın Şou”dakı “Mama”,”Papa” ittifaqının cökməsinə. Dünən iştirakçılardan biri Hüseyn Əzizoğlunun “mənim mamamdı”adlandırdığı Roza Zərgərli ilə birləşib Abbas Bağırovu şoudan kənarlaşdırmaq haqqında hamını şoka salacaq oyun oynaması tamaşaçıların əksəriyyətini hiddətləndirdi. Gənc Hüseyin Əzizoğlunun şouda Roza Zərgərli tərəfindən necə tora düşməsi və onun diqtəsi ilə hərəkət etməsi bütün tamaşaçılar tərəfindən ikrahla qarşılandı. Oyun zamanı hədəfinin Pərvin Abıyevanın olduğunu açıqlayan Əzizoğlunun son andakı qərarı bir daha göstərdi ki, bu gənc də təsir altındadır.
Əslində Hüseyin Əzizoğlunun “maması” özünü son ana qədər maşın ətrafında elə aparırdı ki, sanki dünyanın ən saf, ən pak, ən müqəddəs adamıdır.
Bir az diqqətcil tamaşaçı Roza Zərgərlinin oyun zamanı donnan-dona girməyini, süni gülüşünü, hiyləgər baxışlarını, bu baxışlar altında nələr yatdığını görə bilərlər. Onu yaxından tanıyanlar isə Roza xanımın hansı oyunu oynadığını yaxşı bilir.
Bu yerdə bir məsələyə də aydınlıq gətirmək istəyirik. Gözəl aparıcılıq qabiliyyəti, şirin diksiyası olan şomen Murad Dadaşovun gücünə ərsəyə gələn bu maşın realiti şousu zamanı sevimli şoumenimizi iştirakçıların şəxsi həyatı maraqlandırmır. Maraqlandırsa da elə bir ciddi önəm kəsb etmir.
Bu baxımda biz artıq 15 ildir ki, reytinqini qoruyub saxlayan, gündəmdən düşməyən, kifayət qədər tamaşaçı sayı toplayan maşın realiti şousuna kölgə salmaq fikrində deyilik.
Amma bir həqiqəti də danmaq olmaz ki, tamaşaçı gözü ən dəqiq mizap-tərəzidir. Şouda, maşın ətrafında özünü necə aparırsan apar, naqis hərəkətlərini nə qədər ört-basdır edirsən et, pis əməllərin səni yaxından tanıyanların qəlbindən silinməyəcək. Dağıtdığın, gözüyaşlı qoyduğun ailələrin ah-naləsi bir gün səni tutacaq.
Sən qalib olarsan, Gözə gül üfürməklə yaxşı insanlar cərgəsinə soxula bilərsən. Amma unutma ki, bu müvəqqətidir. Əvvəl-axır əməllərinin cəzasını çəkəcəksən.
Bu cəzanın kimlər tərəfindən verilməsinin də fərqi yoxdur. Təki cəza olsun...
Ən böyük cəzanı isə Allah verir.
Afət İlkinli
